Etiqueta: relatos

Categorías
Certamen Vigo Histórico Editorial Elvira Poesía Prosa Uncategorized

PONSE EN MARCHA A DÉCIMO TERCEIRA EDICIÓN DO CERTAME DE RELATOS VIGO HISTÓRICO DA EDITORIAL ELVIRA

Como cada abril desde hai máis dunha década, o Certame de Relatos Vigo Histórico celebra a súa presentación. Este concurso, que naceu co obxectivo fundamental de dar un espazo onde expresarse aos escritores e escritoras noveis de Vigo, Galicia, España e incluso do estranxeiro, sigue fiel á cita cos seguidores e seguidoras e volve abrir as súas portas e, novamente, Vigo será o  escenario das mellores historias de amor, terror, misterio, humor ou ciencia ficción.

Así, hoxe celebrouse a rolda de prensa para anunciar a convocatoria da décimo terceira edición do certame, unha proposta que naceu no ano 2014. Na mesma estiveron presentes a vicepresidenta da Deputación de Pontevedra, Luisa Sánchez; o editor de Editorial Elvira, Xabier Romero,  e a integrante do xurado, Clara do Roxo.

Romero asegurou que o certame de Relatos Vigo Histórico é un proxecto irrenunciable da editorial, “porque nos identifica con Vigo e con Galicia e forma parte do tecido cultural da cidade”. O editor agradeceu o apoio da Deputación nestes últimos anos, o traballo do xurado e destacou a colaboración con IgualArte.

Clara do Roxo animou a escritores e escritoras a participar no certame, sinalando que “sempre tratamos de premiar a calidade e a orixinalidade” e afirmou que o xurado “somos xa familia e pasamos tardes moi divertidas, deliberando e pelexando, buscando os relatos gañadores e premiados, así como aqueles que formarán parte do libro Relatos na Rúa”.

Por último, Luisa Sánchez destacou a traxectoria do certame, que xa supera a ducia de edicións – “doce máis unha” –, e que “as e os escritores nos seus relatos nos amosan un Vigo diferente, xa que converten as historias pequenas en historias extraordinarias e espazos que todos e todas coñecemos adquiren outro significado”.

O prazo para a recepción dos traballos comezará mañá 21 de abril e finalizará o 30 de xuño. A comunicación dos gañadores/as, así como dos relatos seleccionados para o libro Relatos na Rúa XIII farase pública entre os días 25 de setembro e 6 de outubro de 2026. Como é habitual, antes de que finalice o presente ano realizarase a gala de entrega dos premios, na que tamén se presentará  o libro, no que participará coas súas ilustracións o grupo Diseñatas, da Fundación Igual Arte, que é unha colaboradora fiel do certame. Ademais da aportación de Diseñatas ao libro, a Editorial Elvira entrega un euro por cada libro vendido á Fundación Igual Arte.

O tema do relato será libre coa única condición de que a cidade de Vigo ten que ser protagonista, tal e como aparece nas bases do concurso. Admitirase un único texto por autor/a, en galego ou castelán, e cunha extensión máxima de 4 páxinas por unha cara (ou o equivalente a 8.000 carácteres con espazos). Os orixinais deberán presentarse por correo electrónico á seguinte dirección: certamenvigohistorico@gmail.com. Haberá un primeiro premio de mil euros para o gañador/a, un segundo premio de 500 e ata 4 accésits de 200 euros cada un (en todos os casos se deducirán automaticamente as retencións que estipula a lei). As bases están a disposición de todos os interesados na páxina web de Editorial Elvira (www.editorialelvira.com). Por segundo ano consecutivo, aparece a IA nas bases, para subliñar que “quedarán automáticamente eliminados aqueles textos nos que se utilice a intelixencia artificial”.

Cartel

O autor do cartel desta edición do Certame de Relatos Vigo Histórico é Óscar Raña, artista galego formado en Belas Artes, que conta cun máster en Libro Ilustrado e Animación cursado en Pontevedra. A súa traxectoria sitúase no ámbito da arte contemporánea, destacando polo seu interese no cómic experimental e na abstracción. O seu traballo caracterízase por un enfoque transdisciplinar, no que combina pintura, ilustración, cómic e produción audiovisual, explorando as conexións entre linguaxes e cuestionando os límites tradicionais das disciplinas artísticas. Ao longo da súa carreira desenvolveu unha destacada actividade editorial independente e participou en diversas publicacións e exposicións, tanto colectivas como individuais, compaxinando esta labor coa creación en ámbitos como o deseño, a animación e a música.

Un ano máis, hai que destacar a gran labor do xurado do Certame de Relatos Vigo Histórico, que este ano repite cos mesmos integrantes, que quedaron con ganas de máis. O noso tribunal está formado pola escritora Clara do Roxo; o xornalista Jacobo Buceta; a filóloga e poeta Patricia Meira, o escritor Santiago Lopo; a escritora e actriz María Lado; a xornalista Noelia Otero Lago; a profesora e tradutora Alba Piñeiro e a diplomada en Relacións Laborais e gran lectora María Jesús Fernández Domínguez, ademais do presidente do xurado, que será Xabier Romero.

Categorías
Certamen Vigo Histórico Editorial Elvira Prosa Uncategorized

O RELATO SOLSTICIO, DE IRIS DARRIBA, GAÑADOR DO XII CERTAME DE RELATOS VIGO HISTÓRICO

O relato Solsticio, de Iris Darriba Quesada, é o gañador da doudécima edición do Certame de Relatos Vigo Histórico, organizado por Editorial Elvira co patrocinio da Deputación Provincial de Pontevedra. O segundo premio foi para O derradeiro concerto, de Eduardo J. Ares, nun certame no que participaron uns 160 escritores/as de Vigo, Galicia, o resto do Estado español e tamén do estranxeiro. Como nas últimas edicións, houbo unha gran presenza de concursantes de Vigo e iso tamén se ve reflectido nos premios, sendo os dous primeiros da nosa cidade.

Hoxe 8 de outubro celebrouse a rolda de prensa para dar a coñecer a resolución do xurado na sede da Deputación de Pontevedra en Vigo. Na lectura do ditame do Certame participaron a vicepresidenta da Deputación Provincial de Pontevedra, Luisa Sánchez; o editor de Editorial Elvira, Xabier Romero, e as escritoras e membros do xurado María Lado e Patricia Meira, así como numerosos participantes no certame, que viviron con emoción o acto.

O responsable da Editorial Elvira Xabier Romero destacou o seu orgullo por estar despois de 12 anos cun proxecto consolidado, que forma parte da Editorial  e que “enriquece o coñecemento que temos desta cidade e que queda plasmado nun libro en cada edición celebrada”.

A vicepresidenta Luisa Sánchez asegurou que “sentimos un gran orgullo por apoiar iniciativas como este certame de Relatos Vigo Histórico, que da voz a tantos creadores e nos invita a mirar con outros ollos o territorio que compartimos. A cultura necesita máis espazo en Vigo. A cultura é máis, moito máis que eventos de masas”. E rematou cun agradecemento á Editorial Elvira : “Grazas Javier por conseguir todos os anos que Vigo sexa protagonista de tantas historias. Que nunca nos falten as historias, ninguén as escriben, nin quen as len”.

A resolución

Os dous relatos premiados son completamente diferentes. O primeiro premio, Solsticio, de Iris Darriba Quesada , é un relato de triste actualidade, duro e que escarva na alma, cunha construción entre a realidade e o onírico e que ten un remate impactante, que non deixará indiferente a ninguén. A autora, veciña do Casco Vello vigués e presente no acto, xa se presentou en varias ocasións ao Certame e na última edición logrou publicar un relato no libro, aínda que ata o de agora non acadara un premio.

O segundo premio foi para O derradeiro concerto, de Eduardo J. Ares, no que o autor recorda un concerto celebrado en Vigo o 1 de agosto de 1976, o primeiro verán tras o falecemento de Franco, e en plena transición cara á democracia. Así, no relato hai política, música, historia e a morte tráxica dunha cantante moi nova, Cecilia, que fixo o seu último concerto na sala Nova Olimpia de Vigo.

Os accésits son para O valor da memoria e os recordos (de Azucena Arias); Palabras rescatadas (Ana María Verde); Ochenta vueltas al mundo (Fátima González) e Asasinato en Relatos na Rúa (Antón Beiras).  O gañador recibirá un premio de mil euros, mentres que o  segundo terá 500 euros  e os 4 accésits, 200 euros cada un. En todos os casos, deduciranse automaticamente as retencións que estipula a lei.

Como xa é coñecido por todas e todos, as bases do Certame de Relatos Vigo Histórico marcan que o tema é libre pero Vigo ten que ter un papel protagonista nos relatos presentados. A finais de novembro celebraremos a gala de entrega dos premios e a presentación do libro Relatos na Rúa XII, no que aparecerán publicados os relatos premiados e unha ampla escolla dentro dos presentados. Outra das tradicións do Certame é a colaboración coa Fundación IgualArte, a cal participa de forma moi activa tanto na gala, con actuacións, como no libro, coas aportacións do seu grupo Diseñatas. Pola súa banda, a editorial fai unha doazón á Fundación dun euro por cada exemplar vendido.

Coma sempre, un agradecemento especial para o xurado do Certame de Relatos Vigo Histórico, ao que lle corresponde a tarefa máis complicada: elixir os gañadores e publicados. Un ano máis o Certame de Relatos Vigo Histórico conta cun grupo marabilloso, formado pola escritora Clara do Roxo; o xornalista Jacobo Buceta; a filóloga e poeta Patricia Meira, o escritor Santiago Lopo; a escritora e actriz María Lado; a xornalista Noelia Otero Lago; a profesora e tradutora Alba Piñeiro e a diplomada en Relacións Laborais e gran lectora María Jesús Fernández, ademais do presidente do xurado, Xabier Romero.

A continuación tedes o listado dos premios e todos os relatos que formarán a duodécima edición do libro Relatos na Rúa.

Categorías
Certamen Vigo Histórico Editorial Elvira

CONVOCATORIA: XII Certame de Relatos Vigo Histórico

Fiel como cada ano, o  Certame de Relatos Vigo Histórico fai a súa presentación no mes de abril. Este concurso, que naceu co obxectivo fundamental de dar un espazo onde expresarse aos escritores e escritoras noveis de Vigo, Galicia, España e incluso do estranxeiro, volve abrir as súas portas e novamente coloca a Vigo coma o epicentro da creatividade, a narrativa e as mellores historias de amor, terror, misterio, humor ou ciencia ficción.

O prazo para a recepción dos traballos comezará 8 de abril e finalizará o 30 de xuño. A comunicación dos gañadores/as, así como dos relatos seleccionados para o libro Relatos na Rúa XII farase pública entre os días 26 de setembro e 3 de outubro de 2025. Como é habitual, antes de que finalice o presente ano realizarase a gala de entrega dos premios, na que tamén se presentará  o libro Relatos na Rúa XII, no que participará coas súas ilustracións o grupo Diseñatas, da Fundación Igual Arte, que é unha colaboradora fiel do certame. Ademais da aportación de Diseñatas ao libro, a Editorial Elvira entrega un euro por cada libro vendido á Fundación Igual Arte.

O tema do relato será libre coa única condición de que a cidade de Vigo ten que ser protagonista, tal e como aparece nas bases do concurso. Admitirase un único texto por autor/a, en galego ou castelán, e cunha extensión máxima de 4 páxinas por unha cara (ou o equivalente a 8.000 carácteres con espazos). Os orixinais deberán presentarse por correo electrónico á seguinte dirección: certamenvigohistorico@gmail.com. Haberá un primeiro premio de mil euros para o gañador/a, un segundo premio de 500 e ata 4 accésits de 200 euros cada un (en todos os casos se deducirán automaticamente as retencións que estipula a lei). As bases están a disposición de todos os interesados na páxina web de Editorial Elvira (www.editorialelvira.com). A principal novidade deste ano da bases, é a prohibición da utilización da Intelixencia Artificial na creación dos relatos.

Cartel

O autor do cartel da duodécima edición é David Amoedo Losada, Davida, un debuxante nado en Vigo no ano 1984, que vive a medio camiño entre Vigo e Badaxoz. Humorista gráfico nas revistas Xogo Descuberto, Retranca e A Movida e nos portais web novaxove.com, odivinoferrete.es, pentavox.net e moiceleste.com. Como artista urbano participou nos certames O Marisquiño XV, XXII, Badaxoz Pinta e Vigo Cidade de Cor.

O Certame de Relatos Vigo Histórico conta cun fantástico xurado, no que teremos varias novidades: Incorpóranse ao equipo Alba Piñeiro, profesora e tradutora e a diplomada en Relacións Laborais e gran lectora María Jesús Fernández Domínguez. Desta forma, o noso «tribunal» queda conformado por a escritora Clara do Roxo; o xornalista Jacobo Buceta; a filóloga e poeta Patricia Meira, o escritor Santiago Lopo; a escritora e actriz María Lado; a xornalista Noelia Otero Lago; aos que se unen Alba Piñeiro e María Jesús Fernández, ademais do presidente do xurado, que será Xabier Romero un ano máis.

bASES GALEGO
Categorías
Certamen Vigo Histórico Mundo DDM

PECHE DO XI CERTAME DE RELATOS VIGO HISTÓRICO CUNHA GALA EMOTIVA E ÚNICA

O venres 22 de novembro celebrouse o acto de entrega dos premios do XI Certame de Relatos Vigo Histórico, organizado pola Editorial Elvira, coa colaboración da Fundación IgualArte e co patrocinio da Deputación Provincial de Pontevedra. A gala celebrouse na sede de Vigo da Deputación e contou co xornalista Jacobo Buceta como mestre de cerimonias.

Como todos os anos foi un acto moi emotivo e divertido, no que as e os escritores son os verdadeiros protagonistas, xunto aos rapaces e rapazas da Fundación IgualArte, encargados de encher de maxia o auditorio coas súas actuacións. Nesta ocasións tivemos a oportunidade de gozar do grupo de danza de IgualArte, que ofreceu dúas pezas do seu espectáculo Emóvere.

Ademais, neste evento, presentouse o undécimo volume do libro Relatos na rúa, no que aparecen, ademais dos relatos premiados, unha ampla selección das obras presentadas a esta edición do Certame e que foi realizada polo xurado. A portada do libro foi realizada por Cynthia Alfonso, quen mostra a súa visión do Castro de Vigo, e as ilustracións do interior realizadas polo grupo Diseñatas de IgualArte tamén irán en torno ao emblemático monte da nosa cidade. Ademais hai que destacar que a portada irá impresa sobre papel floral, con sementes, flores e minerais na súa composición. Hai que recordar que a Editorial Elvira colabora con IgualArte, entregando un euro do prezo de cada libro vendido a esta institución.

Premiados

O relato Marisol e os depredadores, de Marcos López Concepción, é o gañador da undécima edición do Certame de Relatos Vigo Histórico, e nel se conta a historia dunha figura moi coñecida en Vigo a inicios de los 80: Marisol Paíno. Un traballo moi ben documentado e escrito de forma maxistral. O segundo premio foi para Un hombre con dos historias, de Miguel Vázquez Vigo, un relato moi humano, triste, que encolle a alma e nos recorda o drama dunha enfermidade “terriblemente de moda” nos anos oitenta e que afectou en especial ao colectivo homosexual. Ademais dos dous primeiros premios, hai catro accésits que foron para Cine Club (Antón Beiras); El último gol de Maradona (Jorge Valín); La muerte del dragón rojo (Juan Carlos Gómez) e Días de lluvia (Sabela Barreiro).

Un ano máis, a tarefa máis complicada foi para o xurado do Certame, que está formado pola escritora Ledicia Costas; o pintor Antón Pulido; o editor Bieito Ledo; a escritora Clara do Roxo; o xornalista Jacobo Buceta; a filóloga e poeta Patricia Meira, o escritor Santiago Lopo; a escritora e actriz María Lado e a xornalista Noelia Otero Lago.

Categorías
Certamen Vigo Histórico Editorial Elvira

Relatos premiados e publicables do XI Certame de relatos Vigo Histórico

Aquí tedes a selección de relatos premiados na undécima edición do Certame de Relatos Vigo Histórico e publicables no undécimo volume de Relatos na rúa. Dende a editorial Elvira queremos dar a noraboa a todas e todos os premiados e publicados!

Vémonos moi pronto na gala de entrega do XI Certame de Relatos Vigo Histórico!

Categorías
Certamen Vigo Histórico Editorial Elvira

Relatos premiados e publicables do X Certame de relatos Vigo Histórico

O 6 de outubro fíxose pública a resolución do xurado do X Certame de Relatos Vigo Histórico. A continuación, tedes os relatos premiados  no certame así como a lista de aqueles que conformarán, xunto aos premiados, a décima edición do libro Relatos na rúa.

Noraboa a todas e todos por participar e moitas grazas por formar parte desta pequena gran familia literaria!

Categorías
Certamen Vigo Histórico Editorial Elvira

CONVOCATORIA: IX Certamen de Relatos Vigo Histórico

ESP

Aquí estamos, como todos los finales de marzo desde hace 9 años, anunciando una nueva convocatoria del Certamen de Relatos Vigo Histórico.

Se trata de un evento muy importante para nosotros que nace de una conversación con el poeta y amigo Carlos Oroza hace ya unos cuantos años. El objetivo de este concurso literario es poner en valor la ciudad de Vigo como un escenario perfecto para todo tipo de historias y dar salida a ese potencial creativo que nos demostrais edición tras edición.

Gracias al Certamen de Relatos Vigo-Histórico, hemos leído relatos de piratas, de ciencia ficción, intimistas, relatos inspirados en La Movida de los ochenta, relatos cargados de humor y otros de crítica social… hemos conocido a personajes que bien merecen llenar las páginas de una novela y recuperado la memoria de hechos que no deberían ser olvidados nunca. Pero, sobre todo, recorrimos la ciudad a través de vuestra mirada. Todo esto y mucho más es lo que surge cuando se le da voz a la gran familia que conforma este certamen y que no para de crecer.

Pero no todo va a ser literatura, también nos gusta destacar el trabajo de artistas locales con los carteles informativos de cada edición del Certamen. El de este año se lo encargamos a Gabriela Sánchez Gónzalez, una artista pontevedresa aficanda en Londres, conocida en las redes sociales como @tatupeor, que ha plasmado nuestra obsesión con la Panificadora de una manera muy naïf y colorista. El resultado es así de increíble y llamativo:

Queremos aprovechar para agradecer el respaldo del Concello de Vigo en la puesta en marcha de este certamen, a la Fundación IgualArte por apoyar este proyecto dándole un sentido precioso más allá de la literatura y a las personalidades integrantes del jurado por acompañarnos en esta pequeña locura literaria.

La novena edición del Certamen Vigo Histórico está en marcha desde esta madrugada. Todas las personas interesadas en participar podrán encontrar todas las especificaciones necesarias clicando en el siguiente botón:

bases en castellano

Estamos deseando leer todos vuestros relatos y seguir haciendo ciudad juntos desde las letras y la cultura.

GAL

Aquí estamos, como todos os finais de marzo dende hai 9 anos, anunciando unha nova convocatoria do Certame de Relatos Vigo Histórico.

Trátase dun evento moi importante para nós que nace dunha conversa co poeta e amigo Carlos Oroza hai xa uns cantos anos. O obxectivo principal deste concurso literario é poñer en valor a cidade de Vigo como escenario perfecto para todo tipo de historias e dar saída a ese potencial creativo que demostrades edición tras edición.

Grazas ao Certame de Relatos Vigo Histórico, lemos relatos de piratas, de ciencia ficción, intimistas, relatos inspirados na Movida dos oitenta, relatos cargados de humor e outros de critica social… coñecemos a personaxes que ben merecen encher as páxinas dunha novela e recuperado a memoria de feitos que non deben ser esquecidos nunca. Pero, sobre todas as cousas, percorrimos a nosa cidade a través da vosa ollada. Todo isto e moito máis é o que xorde cando se lle dá voz á gran familia que conforma este certame e que non para de medrar.

Non todo vai ser literatura, tamén nos gusta destacar o traballo de artistas locais cos carteis informativos de cada edición do certame. O deste ano encargámosllo a Gabriela Sánchez Gónzalez, unha artista pontevedresa aficanda en Londres, coñecida nas redes sociais como @tatupeor, que plasmou a nosa obsesión coa Panificadora dunha maneira moi naíf e colorista. O resultado é así de incrible e chamativo:

Queremos aproveitar para agradecer o respaldo do Concello de Vigo na posta en marcha deste certame, á Fundación Igual Arte por apoiar este proxecto dándolle un sentido máis aló da literatura e ás personalidades integrantes do xurado por acompañármonos nesta pequena tolemia literaria.

A novena edición do Certame Vigo Histórico está en marcha dende esta madrugada. Todas as persoas interesadas en participar poderán atopar as especificicacións necesarias clicando no seguinte botón:

Bases en galego

Estamos desexando ler todos os vosos relatos e seguir facendo cidade xuntos dende as letras e a cultura.

Categorías
Certamen Vigo Histórico

CONVOCATORIA: VIII Certame de relatos Vigo Histórico

Estamos moi contentos de anunciar a convocatoria do VIII Certame de relatos Vigo Histórico.

Na edición do ano pasado vímonos obrigados a presentar o noso querido concurso de relatos de maneira integramente en liña, as circunstancias así o esixían, e estamos moi orgullosos e agradecidos pola resposta recibida. Tamén tivemos que pospoñer a gala, que supón o broche final a cada edición do certame, e a celebración de toda esa creatividade literaria que asolaga cada recuncho da nosa cidade. Desde entón as máscaras, os hidroxeis e as medidas de distanciamento social convertéronse en algo cotián e esgotador, pero polo menos volve haber certa alegría polas rúas.

Así que, coa chegada da primavera, decidimos fusionar os dous eventos: a Gala de Relatos na rúa VII e a presentación do VIII Certame de Relatos Vigo Histórico, converténdoos en algo máis modesto e cumprindo con todas as medidas de seguridade necesarias para garantir a saúde de todas as persoas que quixeron acompañarnos no Auditorio do Concello de Vigo.

Onte asistimos a unha xornada curiosa e moi fermosa na que por fin puidemos facer entrega dos premios aos relatos gañadores do ano pasado e na que contamos coa colaboración da Fundación Igual Arte, esta vez de maneira virtual a través de dous vídeos: un do equipo Diseñatas, que nos regalaron a súa visión das Illas Cíes a través dunhas ilustracións que xa forman parte do libro Relatos na rúa 7, e outro do grupo de danza, que sempre nos ofrece uns números de baile moderno incribles.

A oitava edición do Certame Vigo Histórico xa está en marcha desde esta madrugada e todas as persoas interesadas en escribir relatos coa cidade de Vigo como protagonista poderán atopar todas as especificacións necesarias para participar clicando no seguinte botón:

DESCARGA BASES EN GALEGO

Xa sabedes que sempre apostamos por dar saída á creatividade local e iso reflíctese tamén nos carteis de todas as nosas accións literarias. O marabilloso cartel deste ano, de liñas finas e elegantes, corre a cargo de Laura Cochón, artista e ilustradora viguesa, riquiñísima e moi comprometida coa vida cultural da cidade.

Estamos a desexar ler todas as vosas historias e de que sigamos a facer cidade xuntos. A familia deste certame non deixa de medrar y de sorprendernos ano tras ano.

********************************************************************************************************************

Estamos muy contentos de anunciar la convocatoria del VIII Certamen de Relatos Vigo Histórico.

En la edición del año pasado nos vimos obligados a presentar nuestro querido concurso de relatos de manera íntegramente online, las circunstancias así lo exigían, y estamos muy orgullosos y agradecidos por la respuesta recibida. También tuvimos que posponer la gala, que supone el broche final a cada edición del certamen, y la celebración de toda esa creatividad literaria que inunda cada rincón de nuestra ciudad. Desde entonces las mascarillas, los hidrogeles y las medidas de distanciamiento social se han convertido en algo cotidiano y agotador, pero por lo menos vuelve a haber cierta alegría por las calles.

Así que, con la llegada de la primavera, decidimos fusionar los dos eventos: la Gala de Relatos na rúa VII y la presentación del VIII Certamen de Relatos Vigo Histórico, convirtiéndolos en algo más modesto y cumpliendo con todas las medidas de seguridad necesarias para garantizar la salud de todas las personas que han querido acompañarnos en el Auditorio del Concello de Vigo.

Hemos asistido a una jornada curiosa y muy bonita en la que por fin pudimos hacer entrega de los premios a los relatos ganadores del año pasado y en la que contamos con la colaboración de la Fundación Igual Arte, esta vez de manera virtual a través de dos vídeos: uno del equipo Disenhatas, que nos han regalado su visión de las Islas Cíes a través de unas ilustraciones que ya forman parte del libro Relatos na rúa 7, y otro del grupo de danza, que siempre nos ofrece unos números de baile moderno increíbles.

De esta manera, la octava edición del Certamen Vigo Histórico ya está en marcha desde esta madrugada. Todas las personas interesadas en enviar sus relatos con la ciudad de Vigo como escenario podrán encontrar todas las especificaciones necesarias para participar clicando en el siguiente botón:

DESCARGA BASES CASTELLANO

Ya sabéis que siempre apostamos por dar salida a la creatividad local y eso se refleja también en los carteles de todos nuestras acciones literarias. El maravilloso cartel de este año, de líneas finas y elegantes, corre a cargo de Laura Cochón, artista e ilustradora viguesa, riquiñísima y muy comprometida con la vida cultural de ciudad.

Estamos deseando leer todas vuestras historias y que sigamos haciendo ciudad juntos. La familia de este certamen no deja de crecer y de sorprendernos año tras año.

Categorías
Editorial Elvira Historias no Camiño

«Historias no Camiño», un novo certame de relatos con sabor xacobeo

historias-no-camino-de-santiago-relatos-xacobeo
historias-no-camino-de-santiago-relatos-xacobeo

Historias no Camiño é un proxecto que forma parte do programa O teu Xacobeo da Xunta de Galicia. Un proxecto no que queremos poñer en valor toda a creatividade literaria e artística que agroma da nosa lingua e do noso folclore. Un proxecto que nos ilusiona moito porque somos uns namorados do Camiño de Santiago e queremos que o Xacobeo 2021 supere toda esta virtualidade na que nos vemos obrigados a vivir.

O cartel do certame é obra de Rita Gutierrez.

No recanto máis occidental da Península Ibérica está Galiza. A nosa Galiza. Terra de tradicións Celtas, de Revoltas Irmandiñas, de lendas e meigas, de rías e ríos, de cen maneiras distintas de nomear a choiva… si, a nosa Galiza. Ese lugar onde o pagán e o relixioso case se fusionan en cada cruceiro.

E no corazón dese anaquiño de terra hai unha xoia que é un templo de pedra rodeado de acibecharías e dunha mística moi particular. As torres da Catedral de Santiago coroan unha cidade chea de historia e presiden un horizonte de rúas de granito, carriza, estudantes e peregrinos que chegan desde moitos recunchos do mundo para abrazar o Santo.

Temos tamén as dobraxes da televisión autonómica, os anuncios dun famoso supermercado, a Xeración Nós, a natureza húmida e indómita, as bateas, a morriña, as orquestras de música, os hórreos, as campás de Bastabales… e o Camiño de Santiago como peza angular do intercambio cultural. Todo isto retroalimentándose na nosa psique e construíndo unha identidade moi particular.

Non sabemos o que nos vai deparar este Ano Santo Xacobeo, o que si sabemos é que hai historias moi diversas no Camiño e que merecen ser contadas. Queremos coñecelas, gozalas, compartilas e conseguir que perduren no tempo reuníndoas nun libro moi especial. Historias no Camiño é moito máis ca un certame de relatos; é toda unha declaración de intencións. Historias no Camiño nace da absoluta convicción de que o Camiño de Santiago vertebra Galiza, é CULTURA (así, en maiúsculas) e a cultura hai que defendela.

Na nosa opinión escribir tamén é unha viaxe, por iso animámosvos a participar cos vosos relatos en Historias no Camiño. O tema dos relatos é absolutamente libre, pero é fundamental que na historia haxa un protagonismo real do Camiño de Santiago. Non hai que esquecer que o obxectivo deste proxecto, dentro do programa O teu Xacobeo, é promover o Camiño e a súa esencia, destacando a súa riqueza natural e humana.

Todas aquelas persoas interesadas en participar en Historias no Camiño, poden acceder as bases do certame no seguinte botón:

Descargar bases