Categorías
Certamen Vigo Histórico Editorial Elvira

CONVOCATORIA: XI Certame de Relatos Vigo Histórico

Un ano máis por estas datas chegou o momento de dar o pistoletazo de saída ao XI Certame de Relatos Vigo Histórico, un concurso que naceu hai xa once anos co obxectivo fundamental de dar un espazo onde expresarse aos escritores e escritoras noveis de Vigo, Galicia, España e incluso do estranxeiro, así como permitir que a cidade de Vigo se converta nun estudio de televisión para centos de historias.

Así, hoxe celebrouse a rolda de prensa para anunciar a convocatoria desta nova edición do certame. Na mesma estiveron presentes a vicepresidenta da Deputación de Pontevedra, Luisa Sánchez; o editor de Editorial Elvira, Javier Romero,  e a integrante do xurado, Patricia Meira.

O editor Javier Romero recordou que o certame xurdiu hai once anos da man de Carlos Oroza e a súa obsesión sobre que a cultura nace na rúa, de xente anónima. E así, once ano despois, hai preto de 2.000 relatos presentados que “nos dan unha dimensión diferente das entrañas de Vigo”. Romero agradeceu o apoio da Deputación de Pontevedra porque “sen el sería imposible realizar este tipo de propostas como a nosa, que a pesar de ser modesta, chega a miles de persoas”.

Pola súa banda, Patricia Meira destacou a incorporación no xurado de Santiago Lopo, e asegurou que o traballo de todos os integrantes do mesmo é “arduo, de moitas horas e apaixonante, xa que é un descubrimento constante de Vigo. Hai un Vigo alternativo que é o Vigo dos relatos”.

E por último a vicepresidenta da Deputación, Luisa Sánchez, asegurou que este certame “pon en valor a creatividade de Vigo” e está segura de que “haberá moitos anos por vir do Certame de Relatos Vigo Histórico”. A representante da Deputación manifestou o seu apoio a esta iniciativa que é “un apoio aos autores, ás letras e á cultura”.

 O prazo para a recepción dos traballos comezará mañá 11 de abril e finalizará o 30 de xuño. A comunicación dos gañadores/as, así como dos relatos seleccionados para o libro Relatos na Rúa XI farase pública entre os días 26 de setembro e 4 de outubro de 2024. Como é habitual, antes de que finalice o presente ano realizarase a gala de entrega dos premios, na que tamén se presentará  o libro Relatos na Rúa XI, no que participará coas súas ilustracións o grupo Diseñatas, da Fundación Igual Arte, que é unha colaboradora fiel do certame. Ademais da aportación de Diseñatas ao libro, a Editorial Elvira entrega un euro por cada libro vendido á Fundación Igual Arte.

O autor do cartel desta undécima edición é Chica Atomika, unha ilustradora viguesa de 29 anos que reside en Madrid dende o ano 2012. Para esta ilustración, a artista inspirouse na estatua viguesa de “A fada e o Dragón” situada no paseo de Alfonso, moi preto da Panificadora,  que quere homenaxear aos poetas e trobadores medievais de Galicia.

O tema do relato será libre coa única condición de que a cidade de Vigo ten que ser protagonista, tal e como aparece nas bases do concurso. Admitirase un único texto por autor/a, en galego ou castelán, e cunha extensión máxima de 4 páxinas por unha cara (ou o equivalente a 8.000 carácteres con espazos). Os orixinais deberán presentarse por correo electrónico á seguinte dirección: certamenvigohistorico@gmail.com. Haberá un primeiro premio de mil euros para o gañador/a, un segundo premio de 500 e ata 4 accésits de 200 euros cada un (en todos os casos se deducirán automaticamente as retencións que estipula a lei). As bases están a disposición de todos os interesados na páxina web de Editorial Elvira (www.editorialelvira.com).

Un ano máis o Certame de Relatos Vigo Histórico conta cun fantástico xurado, ao que se incorpora o escritor Santiago Lopo. Desta forma, o noso «tribunal» queda conformado pola escritora Ledicia Costas; o pintor Antón Pulido; o editor Bieito Ledo; a escritora Clara do Roxo; o xornalista Jacobo Buceta; a filóloga e poeta Patricia Meira, o escritor Santiago Lopo; a escritora e actriz María Lado e a xornalista Noelia Otero Lago.

Categorías
Certamen Vigo Histórico Editorial Elvira

Relatos premiados e publicables do X Certame de relatos Vigo Histórico

O 6 de outubro fíxose pública a resolución do xurado do X Certame de Relatos Vigo Histórico. A continuación, tedes os relatos premiados  no certame así como a lista de aqueles que conformarán, xunto aos premiados, a décima edición do libro Relatos na rúa.

Noraboa a todas e todos por participar e moitas grazas por formar parte desta pequena gran familia literaria!

Categorías
Certamen Vigo Histórico Editorial Elvira

Relatos premiados e publicables do IX Certame de relatos Vigo Histórico

Aquí tedes a selección de relatos premiados no IX Certame de Relatos Vigo Histórico e publicables no noveno volume de Relatos na rúa.

Noraboa e gracias por formar parte desta pequena gran familia literaria!

Categorías
Certamen Vigo Histórico Editorial Elvira

Relatos premiados e publicables do VIII Certame de relatos Vigo Histórico

Aquí tedes a relación de relatos premiados do VIII Certame de Relatos Vigo Histórico e dos relatos que van formar parte de Relatos na rúa 8.

Noraboa a todas e todos!

Categorías
Certamen Vigo Histórico Editorial Elvira

Relatos na rúa VII ya está aquí

SÉPTIMO CERTAMEN de relatos Vigo Histórico, convocado por Editorial Elvira, del que nace el libro Relatos na rúa VII. En esta ocasión con 26 relatos, entre los que encontramos ganador, segundo premio y accésits.

Este año lo más complicado no ha sido elegir a los premiados y publicados, aún cuando el debate del jurado ha sido intenso por la calidad de los trabajos presentados. Lo complicado ha sido convocar el certamen en pleno confinamiento, adaptándonos a las circunstancias y lanzándolo online. En marzo, la incertidumbre de conseguir que el certamen se realizase teniendo una participación aceptable era máxima. Seguimos adelante y recibimos una cantidad importante de relatos, cierto que un poco menos que otros años, pero muy respetable. Fue difícil también hacer las reuniones con el jurado, compuesto por: Concepción Varela, Patricia Meira, Noelia Otero, Ledicia Costas, Antón Pulido, Julio Alonso, Bieito Ledo, Jacobo Buceta, José Luis Mateo y María Lado, que como siempre estuvo a la altura de las circunstancias, poniendo toda la voluntad para sacar adelante el certamen, que ya asumen como algo propio, que culmina cada año con el libro Relatos na rúa.

Felicitar a los premiados y premiadas de este año, así como a los publicados y publicadas. El jurado eligió como ganador al relato: El fabuloso tonto triste, de Miguel Cuervo Pérez; como segundo premio: Hopper en el Vitruvia, de Eduardo Fernán-López; y como accésits: 4 Gatos, de Marcos Dios Almeida; 18 Rúa Elduayen, de Esther Alonso Domínguez; Abismos, de Alberto Rodríguez Guerrero y Folga, de Xosé Alfredo Naz Fernández.

La cubierta del libro es obra de Luis Romero, al que le pedimos que destacara dos elementos que en nuestra opinión se identifican claramente con esta ciudad: La Panificadora, a la que parece recuperaremos en un futuro próximo y un segundo, que hemos querido incluir en un sentido reivindicativo, al considerarlo algo muy vigués, muy gallego y muy del planeta: Cíes, Patrimonio de la Humanidad.

En esta edición seguimos colaborando con la Fundación Igual Arte (destinando a esta entidad un euro de cada ejemplar vendido de Relatos na rúa VII), primera escuela integral que trabaja con necesidades educativas especiales en las distintas disciplinas (Música, Expresión corporal y Expresión artística).

Los dibujos que anteceden a cada uno de los relatos premiados son obra de Diseñatas, grupo de Diseño de la Fundación Igual Arte, compuesto por: Helena Cuber, Iván Lago, Alberto Rodríguez, Loira Fernández, Gustavo López y Eva García. A ellos les pedimos también que nos ayudasen en nuestra reivindicación de las islas también que nos ayudasen en nuestra reivindicación de las islas Cíes. Y desde luego, no nos han defraudado, pues su trabajo, lleno de sensibilidad y arte, refleja a la perfección nuestras islas.

Agradecimientos para patrocinadores principales: Concello de Vigo y Oftega y también a todas aquellas personas e instituciones que adquiriendo este libro hacen posible la celebración del certamen desde hace años.

Editorial Elvira

Texto en gallego aquí. 

Categorías
Certamen Vigo Histórico Editorial Elvira

Relatos na rúa VII xa está aquí

SÉTIMO CERTAME de relatos Vigo Histórico, convocado por Editorial Elvira, do que nace o libro Relatos na rúa VII. Nesta ocasión con 26 relatos, entre os que atopamos gañador, segundo premio e accésits.

Este ano o máis complicado non foi elixir os premiados e publicados, mesmo cando o debate do xurado ten sido intenso pola calidade dos traballos presentados. O complicado ten sido convocar o certame en pleno confinamento, adaptándonos ás circunstancias e lanzándoo online. En marzo, a incerteza de conseguir que o certame se realizase tendo unha participación aceptable era máxima. Seguimos adiante e recibimos unha cantidade importante de relatos, certo que un poco menos ca outros anos, pero moi respectable. Foi moi difícil tamen facer as reunións co xurado, composto por: Concepción Varela, Patricia Meira, Noelia Otero, Ledicia Costas, Antón Pulido, Julio Alonso, Bieito Ledo, Jacobo Buceta, José Luis Mateo e María Lado, que coma sempre estivo á altura das circunstancias, poñendo toda a vontade para sacar adiante o certame, que xa asumen como algo propio, que culmina co libro Relatos na rúa.

Felicitar os premiados e premiadas deste ano, así como os publicados e publicadas. O xurado elixiu como gañador o relato: El fabuloso tonto triste, de Miguel Cuervo Pérez; como segundo premio: Hopper en el Vitruvia, de Eduardo Fernán-López; e como aacésits: 4 Gatos, de Marcos Dios Almeida; 18 Rúa Elduayen, de Esther Alonso Domínguez; Abismos de Alberto Rodríguez Guerrero e Folga, de Xosé Alfredo Naz Fernández.

A cuberta do libro é obra de Luis Romero, ao que lle pedimos que salientase dous elementos que na miña opinión se identifican claramente con esta cidade: A Panificadora, que seica imos recuperar nun futuro próximo, e un segundo, que quixemos incluír cun sentido claramente reivindicativo, ao consideralo algo moi vigués, moi galego e moi do planeta: Cíes, Patrimonio da Humanidade.

Nesta edición seguimos a colaborar coa Fundación Igual Arte (destinando a esta entidade un euro de cada exemplar vendido de Relatos na rúa VII), primeira escola integral que traballa con necesidades educativas especiais nas distintas disciplinas (Música, Expresión corporal e Expresión artística).

Os debuxos que anteceden a cada un dos relatos premiados son obra de Diseñatas, grupo de Deseño da Fundación Igual Arte, composto por: Helena Cuber, Iván Lago, Alberto Rodríguez, Loira Fernández, Gustavo López e Eva García. A eles pedímoslles tamén que nos axudasen na nosa reivindicación das illas Cíes. E dende logo, non nos defraudaron, pois o seu traballo, cheo de sensibilidade e arte, reflicte á perfección as nosas illas.

Agradecementos para patrocinadores principais: Concello de Vigo e Oftega e tamén a todas aquelas persoas e institucións que adquirindo este libro fan posible a celebración do certame dende hai anos.

Editorial Elvira

* Texto en castelán aquí.