Etiqueta: Editorial Elvira

Categorías
Certamen Vigo Histórico Editorial Elvira Poesía Prosa Uncategorized

PONSE EN MARCHA A DÉCIMO TERCEIRA EDICIÓN DO CERTAME DE RELATOS VIGO HISTÓRICO DA EDITORIAL ELVIRA

Como cada abril desde hai máis dunha década, o Certame de Relatos Vigo Histórico celebra a súa presentación. Este concurso, que naceu co obxectivo fundamental de dar un espazo onde expresarse aos escritores e escritoras noveis de Vigo, Galicia, España e incluso do estranxeiro, sigue fiel á cita cos seguidores e seguidoras e volve abrir as súas portas e, novamente, Vigo será o  escenario das mellores historias de amor, terror, misterio, humor ou ciencia ficción.

Así, hoxe celebrouse a rolda de prensa para anunciar a convocatoria da décimo terceira edición do certame, unha proposta que naceu no ano 2014. Na mesma estiveron presentes a vicepresidenta da Deputación de Pontevedra, Luisa Sánchez; o editor de Editorial Elvira, Xabier Romero,  e a integrante do xurado, Clara do Roxo.

Romero asegurou que o certame de Relatos Vigo Histórico é un proxecto irrenunciable da editorial, “porque nos identifica con Vigo e con Galicia e forma parte do tecido cultural da cidade”. O editor agradeceu o apoio da Deputación nestes últimos anos, o traballo do xurado e destacou a colaboración con IgualArte.

Clara do Roxo animou a escritores e escritoras a participar no certame, sinalando que “sempre tratamos de premiar a calidade e a orixinalidade” e afirmou que o xurado “somos xa familia e pasamos tardes moi divertidas, deliberando e pelexando, buscando os relatos gañadores e premiados, así como aqueles que formarán parte do libro Relatos na Rúa”.

Por último, Luisa Sánchez destacou a traxectoria do certame, que xa supera a ducia de edicións – “doce máis unha” –, e que “as e os escritores nos seus relatos nos amosan un Vigo diferente, xa que converten as historias pequenas en historias extraordinarias e espazos que todos e todas coñecemos adquiren outro significado”.

O prazo para a recepción dos traballos comezará mañá 21 de abril e finalizará o 30 de xuño. A comunicación dos gañadores/as, así como dos relatos seleccionados para o libro Relatos na Rúa XIII farase pública entre os días 25 de setembro e 6 de outubro de 2026. Como é habitual, antes de que finalice o presente ano realizarase a gala de entrega dos premios, na que tamén se presentará  o libro, no que participará coas súas ilustracións o grupo Diseñatas, da Fundación Igual Arte, que é unha colaboradora fiel do certame. Ademais da aportación de Diseñatas ao libro, a Editorial Elvira entrega un euro por cada libro vendido á Fundación Igual Arte.

O tema do relato será libre coa única condición de que a cidade de Vigo ten que ser protagonista, tal e como aparece nas bases do concurso. Admitirase un único texto por autor/a, en galego ou castelán, e cunha extensión máxima de 4 páxinas por unha cara (ou o equivalente a 8.000 carácteres con espazos). Os orixinais deberán presentarse por correo electrónico á seguinte dirección: certamenvigohistorico@gmail.com. Haberá un primeiro premio de mil euros para o gañador/a, un segundo premio de 500 e ata 4 accésits de 200 euros cada un (en todos os casos se deducirán automaticamente as retencións que estipula a lei). As bases están a disposición de todos os interesados na páxina web de Editorial Elvira (www.editorialelvira.com). Por segundo ano consecutivo, aparece a IA nas bases, para subliñar que “quedarán automáticamente eliminados aqueles textos nos que se utilice a intelixencia artificial”.

Cartel

O autor do cartel desta edición do Certame de Relatos Vigo Histórico é Óscar Raña, artista galego formado en Belas Artes, que conta cun máster en Libro Ilustrado e Animación cursado en Pontevedra. A súa traxectoria sitúase no ámbito da arte contemporánea, destacando polo seu interese no cómic experimental e na abstracción. O seu traballo caracterízase por un enfoque transdisciplinar, no que combina pintura, ilustración, cómic e produción audiovisual, explorando as conexións entre linguaxes e cuestionando os límites tradicionais das disciplinas artísticas. Ao longo da súa carreira desenvolveu unha destacada actividade editorial independente e participou en diversas publicacións e exposicións, tanto colectivas como individuais, compaxinando esta labor coa creación en ámbitos como o deseño, a animación e a música.

Un ano máis, hai que destacar a gran labor do xurado do Certame de Relatos Vigo Histórico, que este ano repite cos mesmos integrantes, que quedaron con ganas de máis. O noso tribunal está formado pola escritora Clara do Roxo; o xornalista Jacobo Buceta; a filóloga e poeta Patricia Meira, o escritor Santiago Lopo; a escritora e actriz María Lado; a xornalista Noelia Otero Lago; a profesora e tradutora Alba Piñeiro e a diplomada en Relacións Laborais e gran lectora María Jesús Fernández Domínguez, ademais do presidente do xurado, que será Xabier Romero.

Categorías
Certamen Vigo Histórico Editorial Elvira Prosa Uncategorized

O RELATO SOLSTICIO, DE IRIS DARRIBA, GAÑADOR DO XII CERTAME DE RELATOS VIGO HISTÓRICO

O relato Solsticio, de Iris Darriba Quesada, é o gañador da doudécima edición do Certame de Relatos Vigo Histórico, organizado por Editorial Elvira co patrocinio da Deputación Provincial de Pontevedra. O segundo premio foi para O derradeiro concerto, de Eduardo J. Ares, nun certame no que participaron uns 160 escritores/as de Vigo, Galicia, o resto do Estado español e tamén do estranxeiro. Como nas últimas edicións, houbo unha gran presenza de concursantes de Vigo e iso tamén se ve reflectido nos premios, sendo os dous primeiros da nosa cidade.

Hoxe 8 de outubro celebrouse a rolda de prensa para dar a coñecer a resolución do xurado na sede da Deputación de Pontevedra en Vigo. Na lectura do ditame do Certame participaron a vicepresidenta da Deputación Provincial de Pontevedra, Luisa Sánchez; o editor de Editorial Elvira, Xabier Romero, e as escritoras e membros do xurado María Lado e Patricia Meira, así como numerosos participantes no certame, que viviron con emoción o acto.

O responsable da Editorial Elvira Xabier Romero destacou o seu orgullo por estar despois de 12 anos cun proxecto consolidado, que forma parte da Editorial  e que “enriquece o coñecemento que temos desta cidade e que queda plasmado nun libro en cada edición celebrada”.

A vicepresidenta Luisa Sánchez asegurou que “sentimos un gran orgullo por apoiar iniciativas como este certame de Relatos Vigo Histórico, que da voz a tantos creadores e nos invita a mirar con outros ollos o territorio que compartimos. A cultura necesita máis espazo en Vigo. A cultura é máis, moito máis que eventos de masas”. E rematou cun agradecemento á Editorial Elvira : “Grazas Javier por conseguir todos os anos que Vigo sexa protagonista de tantas historias. Que nunca nos falten as historias, ninguén as escriben, nin quen as len”.

A resolución

Os dous relatos premiados son completamente diferentes. O primeiro premio, Solsticio, de Iris Darriba Quesada , é un relato de triste actualidade, duro e que escarva na alma, cunha construción entre a realidade e o onírico e que ten un remate impactante, que non deixará indiferente a ninguén. A autora, veciña do Casco Vello vigués e presente no acto, xa se presentou en varias ocasións ao Certame e na última edición logrou publicar un relato no libro, aínda que ata o de agora non acadara un premio.

O segundo premio foi para O derradeiro concerto, de Eduardo J. Ares, no que o autor recorda un concerto celebrado en Vigo o 1 de agosto de 1976, o primeiro verán tras o falecemento de Franco, e en plena transición cara á democracia. Así, no relato hai política, música, historia e a morte tráxica dunha cantante moi nova, Cecilia, que fixo o seu último concerto na sala Nova Olimpia de Vigo.

Os accésits son para O valor da memoria e os recordos (de Azucena Arias); Palabras rescatadas (Ana María Verde); Ochenta vueltas al mundo (Fátima González) e Asasinato en Relatos na Rúa (Antón Beiras).  O gañador recibirá un premio de mil euros, mentres que o  segundo terá 500 euros  e os 4 accésits, 200 euros cada un. En todos os casos, deduciranse automaticamente as retencións que estipula a lei.

Como xa é coñecido por todas e todos, as bases do Certame de Relatos Vigo Histórico marcan que o tema é libre pero Vigo ten que ter un papel protagonista nos relatos presentados. A finais de novembro celebraremos a gala de entrega dos premios e a presentación do libro Relatos na Rúa XII, no que aparecerán publicados os relatos premiados e unha ampla escolla dentro dos presentados. Outra das tradicións do Certame é a colaboración coa Fundación IgualArte, a cal participa de forma moi activa tanto na gala, con actuacións, como no libro, coas aportacións do seu grupo Diseñatas. Pola súa banda, a editorial fai unha doazón á Fundación dun euro por cada exemplar vendido.

Coma sempre, un agradecemento especial para o xurado do Certame de Relatos Vigo Histórico, ao que lle corresponde a tarefa máis complicada: elixir os gañadores e publicados. Un ano máis o Certame de Relatos Vigo Histórico conta cun grupo marabilloso, formado pola escritora Clara do Roxo; o xornalista Jacobo Buceta; a filóloga e poeta Patricia Meira, o escritor Santiago Lopo; a escritora e actriz María Lado; a xornalista Noelia Otero Lago; a profesora e tradutora Alba Piñeiro e a diplomada en Relacións Laborais e gran lectora María Jesús Fernández, ademais do presidente do xurado, Xabier Romero.

A continuación tedes o listado dos premios e todos os relatos que formarán a duodécima edición do libro Relatos na Rúa.

Categorías
Certamen Vigo Histórico Editorial Elvira

CONVOCATORIA: XII Certame de Relatos Vigo Histórico

Fiel como cada ano, o  Certame de Relatos Vigo Histórico fai a súa presentación no mes de abril. Este concurso, que naceu co obxectivo fundamental de dar un espazo onde expresarse aos escritores e escritoras noveis de Vigo, Galicia, España e incluso do estranxeiro, volve abrir as súas portas e novamente coloca a Vigo coma o epicentro da creatividade, a narrativa e as mellores historias de amor, terror, misterio, humor ou ciencia ficción.

O prazo para a recepción dos traballos comezará 8 de abril e finalizará o 30 de xuño. A comunicación dos gañadores/as, así como dos relatos seleccionados para o libro Relatos na Rúa XII farase pública entre os días 26 de setembro e 3 de outubro de 2025. Como é habitual, antes de que finalice o presente ano realizarase a gala de entrega dos premios, na que tamén se presentará  o libro Relatos na Rúa XII, no que participará coas súas ilustracións o grupo Diseñatas, da Fundación Igual Arte, que é unha colaboradora fiel do certame. Ademais da aportación de Diseñatas ao libro, a Editorial Elvira entrega un euro por cada libro vendido á Fundación Igual Arte.

O tema do relato será libre coa única condición de que a cidade de Vigo ten que ser protagonista, tal e como aparece nas bases do concurso. Admitirase un único texto por autor/a, en galego ou castelán, e cunha extensión máxima de 4 páxinas por unha cara (ou o equivalente a 8.000 carácteres con espazos). Os orixinais deberán presentarse por correo electrónico á seguinte dirección: certamenvigohistorico@gmail.com. Haberá un primeiro premio de mil euros para o gañador/a, un segundo premio de 500 e ata 4 accésits de 200 euros cada un (en todos os casos se deducirán automaticamente as retencións que estipula a lei). As bases están a disposición de todos os interesados na páxina web de Editorial Elvira (www.editorialelvira.com). A principal novidade deste ano da bases, é a prohibición da utilización da Intelixencia Artificial na creación dos relatos.

Cartel

O autor do cartel da duodécima edición é David Amoedo Losada, Davida, un debuxante nado en Vigo no ano 1984, que vive a medio camiño entre Vigo e Badaxoz. Humorista gráfico nas revistas Xogo Descuberto, Retranca e A Movida e nos portais web novaxove.com, odivinoferrete.es, pentavox.net e moiceleste.com. Como artista urbano participou nos certames O Marisquiño XV, XXII, Badaxoz Pinta e Vigo Cidade de Cor.

O Certame de Relatos Vigo Histórico conta cun fantástico xurado, no que teremos varias novidades: Incorpóranse ao equipo Alba Piñeiro, profesora e tradutora e a diplomada en Relacións Laborais e gran lectora María Jesús Fernández Domínguez. Desta forma, o noso «tribunal» queda conformado por a escritora Clara do Roxo; o xornalista Jacobo Buceta; a filóloga e poeta Patricia Meira, o escritor Santiago Lopo; a escritora e actriz María Lado; a xornalista Noelia Otero Lago; aos que se unen Alba Piñeiro e María Jesús Fernández, ademais do presidente do xurado, que será Xabier Romero un ano máis.

bASES GALEGO
Categorías
Certamen Vigo Histórico Mundo DDM

PECHE DO XI CERTAME DE RELATOS VIGO HISTÓRICO CUNHA GALA EMOTIVA E ÚNICA

O venres 22 de novembro celebrouse o acto de entrega dos premios do XI Certame de Relatos Vigo Histórico, organizado pola Editorial Elvira, coa colaboración da Fundación IgualArte e co patrocinio da Deputación Provincial de Pontevedra. A gala celebrouse na sede de Vigo da Deputación e contou co xornalista Jacobo Buceta como mestre de cerimonias.

Como todos os anos foi un acto moi emotivo e divertido, no que as e os escritores son os verdadeiros protagonistas, xunto aos rapaces e rapazas da Fundación IgualArte, encargados de encher de maxia o auditorio coas súas actuacións. Nesta ocasións tivemos a oportunidade de gozar do grupo de danza de IgualArte, que ofreceu dúas pezas do seu espectáculo Emóvere.

Ademais, neste evento, presentouse o undécimo volume do libro Relatos na rúa, no que aparecen, ademais dos relatos premiados, unha ampla selección das obras presentadas a esta edición do Certame e que foi realizada polo xurado. A portada do libro foi realizada por Cynthia Alfonso, quen mostra a súa visión do Castro de Vigo, e as ilustracións do interior realizadas polo grupo Diseñatas de IgualArte tamén irán en torno ao emblemático monte da nosa cidade. Ademais hai que destacar que a portada irá impresa sobre papel floral, con sementes, flores e minerais na súa composición. Hai que recordar que a Editorial Elvira colabora con IgualArte, entregando un euro do prezo de cada libro vendido a esta institución.

Premiados

O relato Marisol e os depredadores, de Marcos López Concepción, é o gañador da undécima edición do Certame de Relatos Vigo Histórico, e nel se conta a historia dunha figura moi coñecida en Vigo a inicios de los 80: Marisol Paíno. Un traballo moi ben documentado e escrito de forma maxistral. O segundo premio foi para Un hombre con dos historias, de Miguel Vázquez Vigo, un relato moi humano, triste, que encolle a alma e nos recorda o drama dunha enfermidade “terriblemente de moda” nos anos oitenta e que afectou en especial ao colectivo homosexual. Ademais dos dous primeiros premios, hai catro accésits que foron para Cine Club (Antón Beiras); El último gol de Maradona (Jorge Valín); La muerte del dragón rojo (Juan Carlos Gómez) e Días de lluvia (Sabela Barreiro).

Un ano máis, a tarefa máis complicada foi para o xurado do Certame, que está formado pola escritora Ledicia Costas; o pintor Antón Pulido; o editor Bieito Ledo; a escritora Clara do Roxo; o xornalista Jacobo Buceta; a filóloga e poeta Patricia Meira, o escritor Santiago Lopo; a escritora e actriz María Lado e a xornalista Noelia Otero Lago.

Categorías
Certamen Vigo Histórico Editorial Elvira

CONVOCATORIA: XI Certame de Relatos Vigo Histórico

Un ano máis por estas datas chegou o momento de dar o pistoletazo de saída ao XI Certame de Relatos Vigo Histórico, un concurso que naceu hai xa once anos co obxectivo fundamental de dar un espazo onde expresarse aos escritores e escritoras noveis de Vigo, Galicia, España e incluso do estranxeiro, así como permitir que a cidade de Vigo se converta nun estudio de televisión para centos de historias.

Así, hoxe celebrouse a rolda de prensa para anunciar a convocatoria desta nova edición do certame. Na mesma estiveron presentes a vicepresidenta da Deputación de Pontevedra, Luisa Sánchez; o editor de Editorial Elvira, Javier Romero,  e a integrante do xurado, Patricia Meira.

O editor Javier Romero recordou que o certame xurdiu hai once anos da man de Carlos Oroza e a súa obsesión sobre que a cultura nace na rúa, de xente anónima. E así, once ano despois, hai preto de 2.000 relatos presentados que “nos dan unha dimensión diferente das entrañas de Vigo”. Romero agradeceu o apoio da Deputación de Pontevedra porque “sen el sería imposible realizar este tipo de propostas como a nosa, que a pesar de ser modesta, chega a miles de persoas”.

Pola súa banda, Patricia Meira destacou a incorporación no xurado de Santiago Lopo, e asegurou que o traballo de todos os integrantes do mesmo é “arduo, de moitas horas e apaixonante, xa que é un descubrimento constante de Vigo. Hai un Vigo alternativo que é o Vigo dos relatos”.

E por último a vicepresidenta da Deputación, Luisa Sánchez, asegurou que este certame “pon en valor a creatividade de Vigo” e está segura de que “haberá moitos anos por vir do Certame de Relatos Vigo Histórico”. A representante da Deputación manifestou o seu apoio a esta iniciativa que é “un apoio aos autores, ás letras e á cultura”.

 O prazo para a recepción dos traballos comezará mañá 11 de abril e finalizará o 30 de xuño. A comunicación dos gañadores/as, así como dos relatos seleccionados para o libro Relatos na Rúa XI farase pública entre os días 26 de setembro e 4 de outubro de 2024. Como é habitual, antes de que finalice o presente ano realizarase a gala de entrega dos premios, na que tamén se presentará  o libro Relatos na Rúa XI, no que participará coas súas ilustracións o grupo Diseñatas, da Fundación Igual Arte, que é unha colaboradora fiel do certame. Ademais da aportación de Diseñatas ao libro, a Editorial Elvira entrega un euro por cada libro vendido á Fundación Igual Arte.

O autor do cartel desta undécima edición é Chica Atomika, unha ilustradora viguesa de 29 anos que reside en Madrid dende o ano 2012. Para esta ilustración, a artista inspirouse na estatua viguesa de “A fada e o Dragón” situada no paseo de Alfonso, moi preto da Panificadora,  que quere homenaxear aos poetas e trobadores medievais de Galicia.

O tema do relato será libre coa única condición de que a cidade de Vigo ten que ser protagonista, tal e como aparece nas bases do concurso. Admitirase un único texto por autor/a, en galego ou castelán, e cunha extensión máxima de 4 páxinas por unha cara (ou o equivalente a 8.000 carácteres con espazos). Os orixinais deberán presentarse por correo electrónico á seguinte dirección: certamenvigohistorico@gmail.com. Haberá un primeiro premio de mil euros para o gañador/a, un segundo premio de 500 e ata 4 accésits de 200 euros cada un (en todos os casos se deducirán automaticamente as retencións que estipula a lei). As bases están a disposición de todos os interesados na páxina web de Editorial Elvira (www.editorialelvira.com).

Un ano máis o Certame de Relatos Vigo Histórico conta cun fantástico xurado, ao que se incorpora o escritor Santiago Lopo. Desta forma, o noso «tribunal» queda conformado pola escritora Ledicia Costas; o pintor Antón Pulido; o editor Bieito Ledo; a escritora Clara do Roxo; o xornalista Jacobo Buceta; a filóloga e poeta Patricia Meira, o escritor Santiago Lopo; a escritora e actriz María Lado e a xornalista Noelia Otero Lago.

Bases galego
Categorías
Certamen Vigo Histórico Editorial Elvira

Relatos premiados e publicables do X Certame de relatos Vigo Histórico

O 6 de outubro fíxose pública a resolución do xurado do X Certame de Relatos Vigo Histórico. A continuación, tedes os relatos premiados  no certame así como a lista de aqueles que conformarán, xunto aos premiados, a décima edición do libro Relatos na rúa.

Noraboa a todas e todos por participar e moitas grazas por formar parte desta pequena gran familia literaria!

Categorías
Certamen Vigo Histórico

YT: GALA «Relatos na rúa 9»

GAL

O pasado 15 de decembro foi a Gala de entrega de premios do IX Certame de Relatos Vigo Histórico. Foi no auditorio municipal do Concello de Vigo e, ademais da ler algúns anaquiños dos relatos premiados, gozamos de toda a maxia de «Vuelta y Media» dúo de baile acrobático da Fundación IgualArte, organización coa que colaboramos fai anos.

Sabemos que moitos de vós non podíades acompañarnos e que a outros gustaríavos gardar esta memoria dixital, así que aquí vos deixamos o video da Gala de Relatos na rúa 9:

Non cansamos de dicilo, este é unha das citas máis importantes do ano para todo o equipo de Editorial Elvira porque supón o broche final dunha das actividades editoriais que máis nos enche: un certame literario  que nace dunha conversación con Carlos Oroza fai moitos anos e que ten como obxectivo mostrar Vigo a través de diferentes olladas que quedan plasmadas, edición tras edición, en cada un dos volumes da colección Relatos na rúa.

ESP.

El pasado 15 de diciembre asistíamos a la Gala de entrega de premios del IX Certamen de relatos Vigo Histórico. Fue en el auditorio del Concello de Vigo y, además de la lectura del inicio de los relatos premiado, disfrutamos de toda la magia de Vuelta y Media, pareja de baile acrobático de la Fundación IgualArte, organización con la que llevamos años colaborando.

Sabemos que muchos no pudisteis acompañarnos y que a otros os gustaría poder guardar este recuerdo digital, así que aquí os dejamos el vídeo de la IX Gala Relatos na rúa:

No nos cansamos de decirlo, este es uno de los eventos más importantes del año para todo el equipo de Editorial Elvira porque es el broche final de una de las actividades editoriales que más nos llenan: un concurso literario que nace de una conversación con Carlos Oroza allá por el 2012 y que tiene como objetivo mostrar Vigo a través de diferentes miradas que han quedado plasmadas en cada uno de los volúmenes de Relatos na rúa.

Categorías
Editorial Elvira Prosa

«Contos da beiramar» acada a súa segunda edición

contos-da-beiramar-fernando-fernandez-domonte
contos-da-beiramar-fernando-fernandez-domonte

Apenas dous meses despois do seu lanzamento, e con tan só tres presentacións públicas1, «Contos da beiramar» esgotou a súa primeira edición e xa se está a distribuír a segunda. Este notable éxito evidencia o favor dos lectores do que está a gozar este libro, pois tan inmellorable acollida, con tan cativa promoción, só cabe atribuírlla ao funcionamento da interacción popularmente coñecida como “boca-orella”.

Contos da beiramar

«Contos da beiramar» reúne catorce relatos nos que, nun galego fluído, moi próximo e cheo de retranca, cóntanse episodios protagonizados por mariscadoras, mariñeiros, funcionarios e mesmo algún taberneiro ou pescador furtivo, por veces sorprendentes, moi reveladores do que se coce na beiramar e que resultan do máis divertido.

De trece destes relatos pódese dicir que se axustan aos canons do xénero, pero o que completa o libro, ocupando a súa parte central, excede con moito as dimensións do que se podería considerar un conto. Consciente desta circunstancia o seu autor subtitulouno xa como “conto en sesión continua”, e nel poden atopar os lectores toda unha crónica continuada e maxistral do que foi un conflito marisqueiro, salpicada de coloridos detalles –por chamarlles dalgunha maneira- só ao alcance de quen os viviu dende dentro e sabe do que fala.

Cando no seu día lemos o orixinal, na Editorial Elvira apreciamos todas esas virtudes, pero tamén esa achega que Fernando A. Fernández Domonte fai á literatura ambientada no mundo do mar -tan vencellada á épica que o propio medio e as actividades que nel se desenvolven inspira- ao introducir coma un personaxe máis á Administración e os seus funcionarios, o día a día de quen no mar atopa o seu sustento –que non deixa de ter a súa épica- e esas pinceladas de bioloxía mariña e xestión pesqueira, que fan que a lectura deste libro, ademais de entretida e divertida, resulte tamén do máis interesante e instrutiva.

Fernando A. Fernández Domonte posa coa segunda edición dos seus «Contos da beiramar» na Editorial Elvira.

1 En Vigo (Instituto Marítimo Pesqueiro do Atlántico). Moaña (Salón de plenos do Concello). E Santiago (Librería Cronopios).

Categorías
Editorial Elvira Prosa

«Melide» en AulaD

Melide iba a ser un relato, pero la historia quiso ser más larga y convertirse en novela. Esto hizo que su autor, Reka Refojos, se pasara despierto muchas madrugadas dándole vueltas a sus personajes, tejiendo sus recuerdos y planteando sus abismos. Esos abismos son los que marcan la diferencia porque consiguen interpelarnos como seres humanos llenos de contradicciones.

Así que Melide es una novela. Una novela rápida e intensa, de esas de las que no puedes apartar los ojos no vaya a ser que pases por alto algún detalle importante. Una novela dinámica que hace una pequeña radiografía de nuestra sociedad, con todas sus cosas buenas y con todas sus cosas malas. Una novela que a veces es negra, otras veces rosa y que muchas veces es azul, como azul es el mar del que nace nuestra ciudad.

Melide es además una playa. Quizás una de las playas más bonitas de nuestro entorno. Un paraíso natural y todavía salvaje que se disfruta con esa sensación de que puede ocurrir cualquier cosa mientras no pasa absolutamente nada. Un lugar en el que las olas y las corrientes del mar mandan, los pinos llegan hasta la arena y la cobertura funciona regular.

En el siguiente vídeo podréis disfrutar de la presentación de esta novela; tuvo lugar el pasado 30 de junio en la escuela de diseño Aula D y fue un evento muy especial en el que pudimos conocer a fondo el universo que pretende mostrarnos Reka con sus palabras.

Hay algo único en las lecturas veraniegas. Debe de ser por esa especie de quietud que nos rodea, por el olor a fruta estival, por las horas de sol o por el sabor a salitre en la piel. Y, si tienes la suerte de que Melide llegue a tus manos, te darás cuenta de que esta estación se vive mejor con una buena lectura veraniega. No os vais a arrepentir.

Melide
Categorías
Editorial Elvira Historias no Camiño

Que comer ao chegar a Compostela

historias-no-camino-de-santiago-relatos-xacobeo
historias-no-camino-de-santiago-relatos-xacobeo

Historias no Camiño é moito máis que un certame de relatos. É unha actividade beneficiaria do programa «O teu Xacobeo» que busca por en valor a riqueza cultural que envolve o Camiño de Santiago. E para nós a gastronomía tamén é cultura. 

Chegar a Santiago de Compostela despois de días camiñando é todo un subidón. Cando chegas á praza do Obradoiro e ves a catedral en todo o seu esplendor, libérase toda esa enerxía que estaba concentrada en superar cada unha das etapas. 

A cidade compostelá abre moitísimas posibilidades: pasear polas súas rúas, parques e museos é toda unha experiencia. Pero unha cousa está clara: isto faise mellor coa barriga chea. Por iso queremos sinalar algúns dos pratos que non vos podedes perder cando vos paredes a recuperar enerxías polas rúas picheleiras. 

Calquera viño da terra. Albariño, mencía, ribeiro, godello… temos moito que presumir de viños. 

Polbo. En calquera das súas formas, á feira, con patacas, encebolado… o polbo sempre é unha boa opción para  encherse de proteínas. Se ves un establecemento con polbeiras, non o dubides. 

Vieiras gratinadas. É un dos pratos máis típicos de Santiago de Compostela e son una auténtica ledicia. 

Pementos de Padrón. Xa non pican case nunca, pero seguen a estar moi bos. Un pouco de verde para acompañar calquera prato e facer sopas co pan nos restos do aceite. Unha marabilla!

Empanada galega. Un clásico entre os clásicos. Pódense atopar de case calquera cousa, pero recomendamos a de zorza.

Torta de Santiago. Un dos emblemas da cidade. Améndoas, azucre, ovo e manteiga para cociñar un manxar que non vas a esquecer. 

Licor café ou crema de oruxo. O trago perfecto para rematar unha boa comida e brindar cos compañeiros e compañeiras de peregrinación. Din que os máis ricos adoitan ser os caseiros (sobre todo no que a licor café se refire), pero parece que varias empresas de licores se puxeron as pilas e hai algúns moi ricos. 

Información sobre o certame «Historias no Camiño».