A raposa Muiñeira

Clara do Roxo

15,00

Unha raposa moi traballadora que ten un muíño na serra do Courel, dous ratiños africanos, un can de podengo xubilado, un burro fariñeiro novo e atolado, e un ourizo cacho orfo adoptado pola raposa son os personaxes principais dunha historia inclusiva na que todos teñen cabida e cada quen é importante. Este conto narra a historia do día no que a cobiza humana quixo destruír a beleza e o equilibrio da serra.

Ese día o Courel esperta diferente, non recende coma sempre, escóitanse estraños ruídos, hai lumes de fogueiras, lixo polo monte e polo río, e leñadores cortando árbores. A raposa muiñeira xunto cos animais da serra tentarán parar a desfeita, pero non poden facelo sós, precisan contar con axudas doutro mundo, o espírito do poeta do Courel, Uxío Novoneyra, e unha Santiña Compaña rebuldeira e divertida.

A raposa Muiñeira é un conto coa esencia da tradición oral e dos contos encadeados, os retrousos populares. Unha historia que mostra como é posible a convivencia humana, animal e vexetal na serra do Courel e a necesidade da conservación do medio natural.

 

*O conto inclúe unhas pegatinas cos diferentes personaxes que aparecen na historia.

*Os cen primeiros exemplares que se vendan a través da Editorial Elvira (web ou tenda física)  conteñen unha lámina asinada pola autora Clara do Roxo e a ilustradora Francesca D´a Silva.

 

Autor

Información adicional

Páginas: 40
Encuadernación: Tapa Blanda
Lengua: Galego
Ilustracións: Francesca d´a Silva.
ISBN: 978-84-126395-7-5
Xuño, 2024

También te recomendamos…